Каляндар гістарычных дат Навагрудчыны на 2011 год


1321 г. – 690 гадоў назад у Навагрудку быў пабудаваны першы касцёл ордэна мінарытаў (францысканцаў).

1391 г.- 720 гадоў назад Навагрудак беспаспяхова імкнуліся захапіць крыжакі на чале магістрам Конрадам Валенродам. (У Адама Міцкевіча ёсць паэма “Конрад Валенрод”)

1506 г.- 505 гадоў назад землі Навагрудчыны моцна пацярпелі ад нашэсця войска крымскага султана Біці-Гірэя.

1511, 26 ліпеня – 500 гадоў назад г.Навагрудак атрымаў самакіравання паводле Магдэбургскага права

1581 г. – 430 гадоў назад Навагрудак стаў адным з месцаў паседжанняў Галоўнага Літоўскага трыбунала - вышэйшага апеляцыйнага суда ВКЛ. Пасяджэнні апраходзілі ў Замкавай царкве

1596 г. – 415 гадоў назад была заключана Брэсцкая царкоўная унія. Навагрудак стаў рэзідэнцыяй уніяцкіх мітрапалітаў ВКЛ.

1601 г. (прыкладна) - 410 гадоў з дня нараджэння Слёзка Міхаіла – кнігадрукара, асветніка

1641 г. – 370 гадоў з дня нараджэння Незабытоўскага Станіслава –мемуарыста, дэпутата сейма.

1706 г. – 305 гадоў назад у час Паўночнай вайны (1700-1721 гг.) шведскім войскам узарваны рэшткі Навагрудскага замка.

1751 г., 8 мая – 260 гадоў назад у Навагрудку адбыўся адзін з найвялікшых ў гісторыі горада пажар, які знішчыў 167 будынкаў, ратушу, канцэлярыю ваяводы, 4 касцёлы.

1776 г.г. – 235 гадоў назад завершана будаўніцтва ў маёнтку Шчорсы палацава-паркавага ансамбля і царквы ў гонар св. Дзімітрыя Салунскага.

1796 г. – 215 гадоў з дня нараджэння Чачота Яна - паэта і асветніка. Яго імем названа вуліца ў г.Навагрудку

1831 г.- 180 гадоў назад на Навагрудчыне адбылося шляхецкае антыўрадавае паўстанне

1831 - 180 гадоў з дня нараджэння Уладзіслава Борзабагатага - урача, палітычнага дзеяча, кіраўніка Навагрудскай рэвалюцыйнай арганізацыі ў Навагрудскім павеце ў паўстанні 1863-1864 гг. Яго імем названа вуліца ў г.Навагрудку

1846 г. - 160 гадоў назад Францыскаскі касцёл пераўтвораны ў прыходскую Свята- Мікалаеўскую царкву. Вуліца Францынсканская перайменавана ў Гродзенскую

1861 г. - 150 гадоў назад на нашых землях было скасавана прыгоннае права

1876 г. – 135 гадоў з дня нараджэння Яна Булгака – фотамастака, этнографа, краязнаўцы. Яго імем названа вуліца ў г.Навагрудку

1881 г. – 130 гадоў назад у Навагрудку адбыўся вялікі пажар, у выніку якога згарэла шмат вайсковых складоў, 18 жылых будынкаў, у тым ліку дом Міцкевічаў

1896 г. – 115 гадоў з часу нараджэння Дучыца М.В. – мастака, ураджэнца Любчы

1906 г. – 105 гадоў назад абвалілася большая частка Касцёльнай вежы Навагрудскага замка 1911 г. – 100 гадоў з дня нараджэння Калітоўскай К.Ф. – артысткі балета, харэографа, заслужанага дзеяча культуры Беларусі, ураджэнкі в.Уселюб

1916 г.- 95 гадоў назад, у час германскай акупацыі, у г.Навагрудку была пабудавана першая ў горадзе электрастанцыя. На тэрыторыі раёна пракладзена вузкакалейная чыгунка Любча-Наваельня

1916 г. – 95 гадоў з дня нараджэння Тарас Ніны – паэтэсы, ураджэнкі в.Заполле

1921 г., 18 сакавіка – 90 гадоў назад паводле Рыжскага мірнага дагавора, заходняя частка Беларусі, у т.л. г.Навагрудак, была ўключана ў склад польскай дзяржавы

1921- 90 гадоў назад у г.Навагрудку пачала працу першая беларуская гімназія. (Працавала да 1934 г.)

1921 г. – 90 гадоў з дня нараджэння Урбановіча У.А. – педагога, краязнаўцы, культуролага, ураджэнцы в.Пудзіна

1926г. – 85 гадоў назад была створана Дзяляціцкая харавая капэла

1931 г., 28.06.- 80 гадоў назад быў урачыста адкрыты Кургана Бессмяроцця ў гонар Адама Міцкевіча

1936 г. – 75 гадоў з дня нараджэння Шарэцкага С.Г. – эканаміста, вучонага, дзяржаўнага дзеяча, былога старшыні Вярхоўнага Савета РБ, ураджэнца в.Лаўрышава

1936 г. – 75 гадоў з дня нараджэння Чамярыцкага В.А. – вучонага, пісьменніка, літаратуразнаўцы, лаўрэата Дзяржаўнай прэміі Беларусі. Яго імя занесена ў Кнігу славы Навагрудскага раёна

1936 г. – 75 гадоў з дня нараджэння Дзіско У.А. – педагога, аўтара шматлікіх публікацый па методыцы выкладання беларускай мовы і літаратуры, ураджэнца в. Брольнікі

1941 – 70 гадоў назад пачалася Вялікай Айчыннай вайны. (г.Навагрудак быў акупаваны 4.07.1941 г.)

1946 г. – 65 гадоў назад была арганізавана Навагрудская вучэбна-вытворчая майстэрня Таварыства сляпых

1946 г. – 65 гадоў назад быў створаны райхарчкамбінат, у склад якога ўваходзілі пякарня, кансервавы і воцатны цэхі

1951 г. – 60 гадоў назад Навагрудскі тэхнікум савецкага гандлю (заснаваны ў 1947 г.) быў перайменаваны ў гандлёва-эканамічны тэхніку 1956 г. - 55 гадоў назад звыш 100 механізатараў Навагрудчыны былі накіраваны на асваенне цалінных зямель у Паўладарскую вобласць Казахстана

1966 г. – 45 гадоў назад Навагрудскі завод “Металіст” быў перададзены Міністэрству газавай прамысловасці і атрымаў назву - Завод газавай апаратуры

1966 г. – 45 гадоў назад быў здадзены ў эксплуатацыю новы завод масла і малака магутнасцю 100 тон малака ў змену

1991 г. – 20 гадоў назад была створана Навагрудска-Лідская праваслаўная епархія

1996 г. – 15 гадоў назад у г.Навагрудку прайшло святкаванне Рэспубліканскага дня пісьменства і друку

2001 г. – 10 гадоў назад адкрыта дзеючая сёння экспазіцыя Дома-музея Адама Міцкевіча.


Каляндар склаў Мікалай Гайба г.Навагрудак

Baaza.ru - Каталог сайтов и баз данных. История